Keshe Aqordada Qazaqstan Respýblıkasynyń Memlekettik hatshysy Gúlshara Ábdiqalyqova Ekonomıkalyq yntymaqtastyq jáne damý uıymynyń (EYDU) básekelestikke beıimdelý jónindegi Eýrazııalyq baǵdarlamasynyń basshysy Antonıo Sommamen jáne osy uıymnyń bir top sarapshylarymen kezdesti.
Memlekettik hatshy 2015 jylǵy 22 qańtarda Davos qalasynda 2015-2016 jyldarǵa arnalǵan EYDU-Qazaqstan arasyndaǵy jeke yntymaqtastyq týraly baǵdarlamaǵa qol qoıylǵany ekijaqty qarym-qatynastardyń joǵary deńgeıge jetkendiginiń belgisi ekenin atap ótti. «Biz – EYDU-men dál osyndaı jeke baǵdarlamaǵa jetken alǵashqy memleketpiz jáne muny Qazaqstan Respýblıkasynyń EYDU músheleri qataryna enýiniń alǵashqy qadamy dep esepteımiz», dedi G.Ábdiqalyqova.
Sonymen birge, Memlekettik hatshy Qazaqstannyń EYDU-men ózara belsendi qatynas qurýy keleshekte osy uıym músheleriniń deńgeıi men qalyptaryna jetýi strategııalyq maqsat ekenin aıtty. Qazaqstan EYDU-nyń quramyndaǵy memleketterdiń tájirıbesin, jańa ádisteri men ınnovasııalaryn, noý-haýlaryn tolyq paıdalanýǵa, EYDU-nyń sarapshylyq áleýetin elimizdegi ekonomıkalyq saıasattyń damýyn saraptaýǵa paıdalanǵysy keletinin atap ótti.
О́ńirdegi uıymmen tyǵyz yntymaqtasqan alǵashqy memleket retinde Qazaqstan EYDU-nyń Eýropalyq odaqqa múshe elderimen qatar, Eýrazııalyq básekelestikke beıimdelý baǵdarlamasynyń Ortalyq Azııa bastamasynyń teń tóraǵasy boldy.
Kezdesý barysynda bilim berý, densaýlyq saqtaý, jumyspen qamtý jáne áleýmettik ıntegrasııa salalaryndaǵy mańyzdy máseleler talqylandy. Sondaı-aq, genderlik teńdikti kúsheıtý men ekonomıka salasyndaǵy qyzmetke áıelderdiń tolyq qatysýynyń arqasynda Qazaqstannyń básekelestik qabiletin kóterýdi kózdegen EYDU-nyń bastamasy jeke másele retinde atap ótildi. Memlekettik hatshy EYDU-nyń bul bastamasyn qoldap, baǵdarlamanyń oryndalýy elimizdegi áıelder kásipkerliginiń damýyna, Elbasy Nursultan Nazarbaevtyń «Nurly Jol» Jańa Ekonomıkalyq Saıasaty aıasyndaǵy josparlanǵan aýqymdy ınfraqurylymdyq jobalarǵa áıelderdiń belsendi qatysýyna oń áser etetinin aıtty.
Taraptar bilim berý, jumyspen qamtý, kásipkerlik salalarynda genderlik teńdikti nyǵaıtý jolyndaǵy kedergilerdi zertteý jáne joıý, osy máseleler jónindegi ulttyq statıstıkany halyqaralyq standarttarǵa keltirý barysyndaǵy ózara birlesken is-qımyldyń jaı-kúıi men keleshegin keń túrde talqylady.
Kezdesýge Ulttyq ekonomıka vıse-mınıstri M.Ábilqasymova, Bilim jáne ǵylym vıse-mınıstri T.Balyqbaev, Densaýlyq saqtaý jáne áleýmettik damý vıse-mınıstri A.Soı qatysty.
Jaqsybaı SAMRAT,
«Egemen Qazaqstan».
Sońǵy jańalyqtar
Asa iri kólemde alaıaqtyq jasaǵan Qazaqstan azamaty Túrkııadan ekstradısııalandy
Qazaqstan • Búgin, 10:40
Shymkent farmasevtıkasyna 39,5 mlrd teńge ınvestısııa quıylady
Investısııa • Búgin, 10:32
Sıfrlyq transformasııa kitaphanalardy qalaı ózgertip jatyr?
Ádebıet • Búgin, 10:20
«Short-trektiń Marko Roısy men shyǵarmyn...»: Abzal Ájiǵalıev jankúıerlerine alǵys aıtty
Qysqy sport • Búgin, 10:12
Jerasty sý qory: El aýmaǵynda 700-den astam bulaq anyqtaldy
Qoǵam • Búgin, 09:49
Elimizdiń qaı óńirlerinde joldar jabyq tur?
Aýa raıy • Búgin, 09:25
Birqatar oblysta aýa raıyna baılanysty eskertý jarııalandy
Aýa raıy • Búgin, 09:16
Búgin 1 dollardy qansha teńgege satyp alýǵa bolady?
Qarjy • Búgin, 09:10
